अमेरिका । अमेरिकाको न्युयोर्कमा सोनाम ल्होछार विशेष सांस्कृतिक तथा शुभकामना आदान-प्रदान कार्यक्रम हुने भएको छ ।
तामाङ सोसाइटी अफ अमेरिकाको आयोजनामा सोनाम ल्होछार विशेष सांस्कृतिक तथा शुभकामना आदान-प्रदान कार्यक्रम आउँदो फेब्रुअरी ७ (शनिबार) आयोजना हुने भएको हो । 
अमेरिकाको न्युयोर्क स्टेट वरपर बसोबास गर्ने सम्पूर्ण नेपाली दाजुभाइ तथा दिदीबहिनीहरूलाई कार्यक्रममा हार्दिक निमन्त्रणा गरिएको आयोजकले जनाएको छ।
कार्यक्रममा तामाङ समुदायको भाषा, कला, संस्कृति र पहिचानको संरक्षण तथा प्रवर्द्धनमा जोड दिइनेछ। साथै आपसी सद्भाव, एकता र सांस्कृतिक मेलमिलापलाई थप मजबुत बनाउने उद्देश्य रहेको आयोजकको भनाइ छ।
कार्यक्रममा विभिन्न सांस्कृतिक प्रस्तुतिहरू, शुभकामना आदान–प्रदान तथा सामूहिक भेटघाट समेटिने अपेक्षा गरिएको छ। सहभागीहरूको गरिमामय उपस्थितिले कार्यक्रमलाई अझ अर्थपूर्ण र उत्साहपूर्ण बनाउने विश्वास तमाङ सोसाइटी अफ अमेरिकाले व्यक्त गरेको छ।